dimanche 7 mars 2010

Bails de Jehan Dulis envers Jehan Blandin, 1465

Archives Départementales du Loiret, 3 F 10 162, Fonds Fauchon, étude Garsonnet.

 
Gillet Blandin escuier seigneur de Loys paroisse de Saint-Aignan de Sandillon, confesse avoir baillé acuilli et alloe Jehan son filz, aagé de dix ans ou environ, ou jour de la chandeleur derrenier passée en six ans ensuivant, à Jehan Dulis aussi escuier demorant en la dite paroisse qui la pris pour estre et demourer avec lui et le servir en toutes ses affaires licites et honnestes, comme bon et loyal serviteur est tenu de servir. Et pour ce faire le dit Jehan du Lis lui sera tenu querir et administrer boire, mangier, feu, giste, hostel, ses vestements et chaussements nécessaires et paier audit Gillet Blandin pour le dit service, la somme de cinq francs parisis chacunes desdives années par pourcion. Promettant etc ...

 
Ledit jour,

 
Ledit Gillet Blandin confesse avoir vendu et transporté audit Jehan Dulis, achateur à ce present, la tonture et coppe de certaine piece de bois qui a esté signée par Guillemin Legendre du consentement des parties, assise icelle piece au dit lieu de Loy entre le dit Loy et le chemin de Saint Benoit, tenant au chemin de Marcilly ; ceste vente faite pour six livres tournois paiées du dit achateur audit vendeur, si comme lesdites parties disoient, et dont le dit achateur s'est tenu content. Et a este dit que le dit achateur aura terme de coppe d'uy en trois ans prochains et ung an apres ce vuidange. Et aussi a esté dit que ledit achateur sera tenu de delesser ou dit bois deux bayveaux et se besoing est pour le dit bois le dit achateur sera tenu en lasser deux autres parmi ce que le dit vendeur sera tenu bailler audit achateur ailleurs, bois vallant lesdits ceux autres bayveaux. Promettant ledit vendeur non venir contre et garder obligation etc ...

 
Ledit jour,

 
Ledit vendeur doit au dit achateur quatorze sols parisis pour prest a lui fait si comme etc ... a paier a voulenté, obligeant etc ...

Aucun commentaire: