Dette de Jehan du Lys vis à vis de son cousin Jehan des Monts, 1497

Minutes de Girard, notaire. Étude de Me Dubec, à Orléans.

 

Ledit jour, noble homme Jehan du Liz, seigneur de Baignaulx, situé en la paroisse de Sandillon, au diocèse d’Orléans, confessa devoir à Jehan des Monts le jeune, son cousin, fils de feu Colas des Monts, au vivant de lui escuier, à ce présent et acceptant, la somme de dix-huit livres tournois, pour et à cause des services que ledit Jehan a fait audit escuier à le servir, de tout le temps qu’il a demouré avec luy jusqu’à huy, et qu’il fera jusques à la feste de Noël prochaine venant, si comme, etc. Et dont, etc., et paier de ladicte feste de Noël prochaine venant en ung an ensuivant. Et demoure par ce moien nulle et de nulle valeur la lectre par laquelle icelui escuier estoit tenu paier audit Jehan des Monts certaine somme de deniers, pour son servi ce et choses contenues et déclairées ès dictes lectres et desquelles les dictes parties ne se pourront aider d’une partie ne d’autre, ne l’une partie contre l’autre. Et consentent le registre estre rayé et mis au néant par Droin Jacquet, notaire dudit Chastellet, par lequel ont, dit ladicte lectre, avoir esté passée. Consentant, etc. Obligeant, etc. Renonçant expréssement, etc.